ÊMÖ

مرحبا بكم في منتديات ÊMÖ
لمحبي الايمو والروك فـــــــــــــقــــط
نرجو ان تستمتعــــــــــــــــــــــو
سجل و لـــــــــــــــــــــن تندم
وشكـــــــــــــــــــــــــــرا

... أهـلآً وسهـلآً بگـے ِ فـے منتديآأإتÊMÖ نور آلمنتدى ~


    انا ما احبك انا اتنفس هواك ...قصه سعوديه ررروعه

    شاطر

    فراشة الجزائر
    عضو
    عضو

    انثى
    مســآاهمآاتيـ ..~ : 20
    " ~ تاريخ التسجيل ~ " : 30/08/2009
    " ~ نقاط ~ " : 44

    آعڵآڹ انا ما احبك انا اتنفس هواك ...قصه سعوديه ررروعه

    مُساهمة من طرف فراشة الجزائر في 2009-09-02, 20:08

    هذي قصه للكاتبه شظايا من السعوديه
    قريتها وعجبتني وحبيت انقلها لكم وان شاء الله تعجبكم


    عايلة بومهند:
    ماجد: متزوج..عنده بنتين وولدين..رجل أعمال كبير ومعروف..طيب هادي..يحب زوجته وعياله..عياله عنده أهم شي في الكون..
    عايشة: زوجة ماجد..كانت عصبية بس يوم تزوجت ماجد حاولت إنها تكون هادية علشان توفر الجو الهادي لزوجها..تحب زوجها وعيالها..
    مهند: أكبر واحد..عمره24 سنه..يشتغل في سكيكو..عازب..يحب أخته أمل وهي
    أقرب الناس له بعد ولد عمه فهد..فرفوش ويحب الناس..ويتحمل المسؤولية إذا
    عطيتها إياه..
    فيصل: أخو مهند..عمره22 سنه..آخر سنه في جامعة الملك فهد للبترول والمعادن..ذكي مثقف ومحترم..لكنه انطوائي شوي..
    أمل:أخت مهند وفيصل..عمرها19 سنه..سنة أولى في كلية الآداب في
    الدمام..تخصص لغة انجليزية..تحب أخوها مهند وهي الأقرب له مع إن عندها
    أختها أماني..تحب المغامرات من يوم كانت صغيرة..تحب ولد عمها فهد..ذكية من
    يوم كانت صغيرة..
    أماني: أخت مهند وفيصل وأمل..عمرها17 سنه..تحب المدرسة..طيبة وعلى
    نياتها..تشوف أختها أمل قدوتها..تحب المغامرات مثل أختها بس إنها
    خوافة..تحب ولد عمها نايف..بس هو ما يعطيها وجه..

    عايلة بوفهد:
    عبدالمحسن:أخو ماجد..متزوج..عنده ولدين وبنت..طيب ولا يشيل في قلبه..لكنه عصبي(كبريت)
    يعصب على أتفه الأسباب..متحفظ لأبعد الحدود..ويحب يكونون عياله أحسن ناس حتى لو غصبٍ عنهم..
    لولوه:أخت عايشه..تحب زوجها وتخاف على عيالها لأبعد الحدود..طيبة وتحب
    الناس..تحب الرسم والأعمال الفنية..معبية بيتها من اللوحات والتحف اللي
    تسويها..
    فهد:أكبر واحد..عمره24 سنه..عازب..يشتغل مع ولد عمه مهند في سكيكو..وهو
    صديق مهند روح بالروح..ويحب بنت عمه أمل..وطبعاً ياخذ من طباع مهند..
    نايف: أخو فهد..عمره22 سنه..آخر سنه بجامعة الملك فيصل..وهو الوحيد اللي
    يفهم فيصل ويبي يطلعه من عزلته اللي يقول عنها إنها مال أمها داعي..بايع
    الدنيا..خبل..ويطلع الواحد من ضيقته غصبٍ عنه..ومعروف بوسامته و بالغميزات
    اللي في خدوده..مو مطيح بنات الناس إلا هذا الشي..
    سارة:أخت فهد ونايف..عمرها19 سنه..في كلية الآداب بالدمام مع بنت عمها أمل
    ونفس التخصص..وهي بعد أقرب وحدة لفهد بحكم إنها ما عندها خوات فعوضت هذا
    الشي في فهد..صندوق أسرار أمل..
    النفس الأول:


    في بيت بومهند:
    أمل: أماني..أماني..اقلبي القناة على الكويت الرابعة..بيجي الحين الدنيا لحظة..
    أماني: والله!!..طيب طيب..
    عايشة(أم مهند):بس هذا اللي فالحين فيه تلفزيون وبلايستيشن وورقة..أما طباخ وغسيل وشغل البيت كله على الشغالة..
    أمل: يمه الله يهديك..احنا في عطله..خلنا شوي نرتاح ونرفه عن نفسنا شوي..صح أماني؟؟!!
    أماني موافقتها بحماس: إيه صح!
    عايشة: إذا جا بكرة وطق زوجك الباب بتنزرعين في المطبخ..آه منكم بنات آخر زمن..
    أمل: هذا المسلسل ما شفته كله في رمضان.. شفت شوي منه بس!!
    عايشة: يعني مافي فايده..خلني أقوم أصلي العصر أحسن من مقابل هالوجيهه..
    أمل وهي تطالع المسلسل تذكرت حادثة صارت لها يوم كان عمرها11 سنه:
    **************
    كانت أمل معروفه بلعبها وحركاتها الصبيانية من يوم كانت صغيرة..كله تلعب
    مع أخوانها وعيال عمها..وتشجع بنت عمها وأختها على هذا الشي..في يوم من
    الأيام كانوا كلهم طالعين برا الشارع يلعبون على كنب كانوا راميينه برا
    علشان كانوا في ذاك الوقت بغيرون أثاثهم..قاموا كلهم يناقزون عليه..بعد
    فترة ماحست فيهم إنهم دخلوا البيت وخلوها برا الشارع مع الكنب في عالم
    ثاني!!!؟؟...كان على المغرب..بعد فترة مرت سيارة فيها شابين..رايحين جايين
    على نفس الشارع اللي فيه بيت أمل..أمل طالعت فيهم بس بعدين ما اهتمت
    لهم..فجأة نزل واحد منهم من السيارة وقام يطالع في أمل..أمل شكت في
    الموضوع..مشت عن بيتهم للشارع الثاني علشان ما يعرفون بيتهم..قام الشاب
    يلحق أمل..أمل حست إن في أحد يلحقها..تسارعت خطواتها ولا التفت وراها
    علشان ما تخاف زيادة..الشاب رجع للسيارة يسوي تمويه لأمل على إنه
    بيروح..قامت أمل تخبت في مدخل بيت جيرانهم..بس هو شافها في مراية
    السيارة..شافته رجع..توها بتهرب إلا هو مسكها وحبسها في زاوية
    المدخل..كانت تبي تصرخ تستنجد بأحد بس هو حط ايده على فمها علشان ما
    تفضحه..وقام يطالعها بنظرات تخوفها..قام يحرك ايده الثانية على خدها
    الطفولي وقال لها: ( تدرين إني حاطك في بالي من زمان!!؟؟؟؟)...هو تركها
    وحاولت تهرب من بين رجوله بس هو مسكها من رجلها..ودخلها السيارة ووداها
    شقته..وصار اللي صار!!(طاح الفاس في الراس)؟؟!!!!!!!!!....
    في بيت بومهند الكل كان فرحان لأنهم مجتمعين وسوالف وضحك..بس بعد فترة أم
    مهند فقدت أمل وما شافتها مع العيال..راحت لولدها مهند تسأله..
    عايشة: مهند يمه..وين أختك أمل؟
    مهند: تلعب في الشارع..الحمدلله والشكر جالسه تناقز لحالها على الكنب اللي رميناه كأنها بعمرها ما شافت كنب..ههههههههههههههه
    عايشة معصبه: وتضحك بعد..روح جيب أختك من الشارع الدنيا ليل..ثاني مرة لا تخليها لحالها في الشارع في هالليالي تفهم..
    مهند: إن شاء الله يمه..
    راح مهند للشارع..بس تفاجأ إنه ما شاف أحد..والكنب جات البلدية
    وخذته..تلفت يمين الشارع يسار الشارع بعد ماشاف أحد..راح الشارع اللي ورا
    بيتهم..ماشاف أحد..خاف وقام يركض للبيت..دخل البيت وهو يركض فتح باب
    الصاله بقوة وطاح على ركبه من التعب ويلهث..
    عايشة خايفة: مهند يمه..وش فيك وين أختك؟
    مهند والدموع تتجمع في عيونه: يمه..مالقيت أمل في الشارع..
    عايشة: ايش؟؟؟..روح الدور الثاني يمكن في غرفتها..
    راح مهند ورجع وعلى وجه علامات اليأس..
    مهند: يمه ما لقيتها في الدور الثاني كله ولا في الحديقة ولا ورا البيت..
    عايشة دقت جوال على ماجد زوجها وقالت له السالفة..
    ماجد يصارخ: وش قاعدة تقولين؟؟..ايش البنت ضاعت..أنا كم مرة قايل لك لا تخلينها تطلع الشارع مع العيال..
    عايشة: صل على النبي يا بومهند..بعدين أنا ما خليتها لحالها.. مع أخوانها وعيال عمها..
    ماجد معصب: خلاص قفلي أنا بتصرف..
    فهد يوم سمع الخبر صعق..لأنها حبيبة قلبه وحياته وكيانه..
    فهد منفعل: مهند يلا أمش معاي ندوّر عليها في الحي..
    مهند ما تحرك من مكانه مو مستوعب شي..
    فهد يصارخ على مهند: مهننننننننننننننند..يلا تحرك وش قاعد تنتظر؟؟..
    قام ماجد يتصل بالشرطة والمستشفيات والمراكز الصحية والجهات اللي يعرفها بحكم إنه رجل أعمال معروف..وأخوه عبدالمحسن معاه..
    لولوه جالسة مع أختها عايشة علشان تخفف عنها وتهون عليها..
    أما الشباب مهند وفهد وفيصل ونايف راحوا يدورون في الأحياء والبقالات والحدايق..
    الكل رجع يجر وراه أذيال الأمل المفقود والفشل في الحصول على أمل..الكل
    كان مجتمع في الصاله ينتظر الخبر اليقين..ماجد رايح جاي مو قادر يجلس على
    الكرسي..عبدالمحسن يطالع أخوه بنظرات يترجاه إنه يهدي نفسه ويجلس..لولوه
    جالسه جنب أختها وتخفف عنها..أماني جالسة تطالع فيهم مو عارفة وش
    السالفة؟؟.. وسارة بعد..مهند ونايف وفيصل ساكتين ويطالعون ماجد وهو رايح
    جاي..فهد حاط يدينه على راسه وقاعد يفكر..هل أمل بترجع؟؟..هذه ما أقدر
    أعيش من دونها..فجأة رن جرس الباب والكل التفت التفاته وحدة على
    الباب..قام مهند يركض للباب يفتحه..وكانت رنة الجرس متواصلة..يعني اللي
    يرن الجرس مو شايل صبعه عن الزر..مهند يصارخ..
    مهند: طيب طيب..كسرتوا الباب..
    فتح الباب إلا أمل طاحت عليه وثيابها كلها دم وتعبانه..مهند خاف وحط ايده تحت راس أمل وقام يضرب خدها بخفة..
    مهند يبكي: أمل..حبيبتي ردي علي..تكفين..
    مهند شال أمل ودخلها داخل..طبعاً الكل شاف المنظر وانصدم!!..ماجد رمى
    بجسمه على الكنب اللي وراه وعبدالمحسن راح له ومسك ايده..عايشة اغمى عليها
    ومسكتها أختها..العيال قاموا من مكانهم وراحوا لأمل ومهند..فهد يوم شافها
    بهالحاله..انصدم..حبيبتي وردتي يصير فيها كذا؟؟؟..نزلت دمعه من عيون فهد
    وطاحت على يد أمل..بس هي في عالم ثاني..
    قام عبدالمحسن وخذ عايشة وأمل وزوجته لولوه وراحوا المستشفى..دخلوا غرفة الطوارئ..
    عبدالمحسن رايح جاي في الممر ويمرر يده على شعره بتوتر وقلق..
    لولوه: صل على النبي يا بوفهد..وما راح يصير إلا اللي ربي كاتبه..
    عبدالمحسن: وشلون أهدا وهذه أمل اللي أحبها كثر بنتي وش بقول لأخوي؟؟
    لولوه: استهدي بالله وأنا بروح أشوف أختي وش صار عليها..
    لولوه ماشاء الله عليها في هذه المواقف تتحمل وصبورة وقلبها قوي..
    لولوه: هاه يا دكتور..وش صار على أختي..
    الدكتور: لا الحمدلله تعدت مرحلة الخطر..كان الضغط مرتفع بس سيطرنا عليه
    ورجعناه لوضعه الطبيعي.. وإذا شفناها تحسنت تقدر تطلع اليوم بإذن الله
    ..ماتشوف شر والحمدلله على السلامة..
    لولوه: الشر ما يجيك والله يسلمك ويعطيك العافية..
    الدكتور: الله يعافيك..واحنا ما سوينا إلا الواجب..
    عبدالمحسن للحين ينتظر عند غرفة الطوارئ..طلعوا أمل من الغرفة وودوها غرفة
    العناية المركزة..بس من شاف وجه الدكتور عرف إنه ما يبشر في خير..
    عبدالمحسن: هاه يا دكتور بشر..
    الدكتور: واللهِ أنا مش عارف أأولك إيه؟..!!..انت أبوها؟؟
    عبدالمحسن:لا أنا عمها.. قول يا دكتور تراك خوفتني..
    الدكتور: البنت فأدت عزريتها..!!!
    عبدالمحسن:ايش؟؟؟..انت وش قاعد تقول؟؟...وش بقول لأخوي؟؟!!!
    الدكتور:أوول لا إله إلا الله وخل إيمانك بالله أوي..دا قضاء ربنا وحكمته..والله يكون في عونك..
    رجع عبدالمحسن وزوجته لبيت أخوه ومعاه حرمة أخوه..وقال لهم كل شي..
    ماجد: قول غير هالكلام يا بوفهد..أنا الحين وش بقول للي بيطلبون يد بنتي مني؟؟..بقول لهم والله بنتي مو عذرا ؟؟!!..
    عبدالمحسن: أهدا يا بومهند أنت ما تدري بعلم الغيب .. يمكن يجيها واحد من خيرة الرجال ويرضى فيها مهما كان العيب اللي فيها..
    ماجد: ما أتوقع يا بوفهد..استغفر الله..اللهم لا اعتراض..
    بعد أسبوع من الحادثة طلعت أمل من المستشفى..صارت ما تتكلم بسبب الصدمة
    اللي هي فيها..وكله جالسة في غرفتها..ولما يجيبون لها الأكل تاكل ربعه
    والباقي ترجعه زي ماهو..وكذا مرة حاول مهند إنه يطلعها من هالعزلة بس كل
    مرة يفشل..مرة من المرات دخل عليها..
    مهند: هاه حبيبتي أمل وش أخبارك الحين؟
    أمل:..........
    مهند:طيب تبين شي معين أجيب لك إياه؟
    أمل:...........
    مهند: طيب تبين أنادي فيصل وفهد ونايف ونلعب مع بعض؟
    أمل:..م..ه..ن..د..
    مهند بفرحه: هلا حبيبتي..آمري وش تبين؟
    أمل تبكي: مهند أبي أمي..
    مهند راح يركض وراح الصالة وقام يصارخ..
    مهند: يممممممممممممممه..يمممممممممممممه..أمل تكلمت..أمل تكلمت..
    عايشة مو مصدقة:قول والله..الله يخليك مهند يمه لا تلعب بأعصابي..
    مهند: والله يمه حتى قالت إنها تبيك يلا بسرعة تعالي..
    عايشة قامت تركض على الدرج راكبة للدور الثاني علشان تروح لأمل..دخلت على أمل..قامت أمل من السرير وراحت تركض لأمها..
    أمل: يمه تعالي أنا خايفة..
    عايشة: هلا حبيبتي هلا بعمري وش فيك خايفة من ايش؟
    أمل تبكي: خايفة من ذاك الرجّال..
    عايشة ضمت بنتها لصدرها ومتحسرة على حالها وتدعي ربها إن يشفي بنتها
    ويطلعها من العقدة اللي هي فيها..اتصلت عايشة على أختها لولوه تبشرها
    وفرحت لها وقالت إنها جاية بالطريق علشان تسمع أمل بإذنها..وطبعاً فهد هو
    أول واحد قال بيروح بيت عمه..
    أول ما وصلت أم فهد ضمت أمل وقامت تسولف معاها علشان تبي تسمع صوتها..وفهد مستانس ..
    فهد: أمل تجين تلعبين معاي في الحوش كورة؟
    أمل بفرح: يلا..بس أنا بكون هجوم وأنت تكون الحارس..
    فهد مستانس إنه سمع صوتها وبحماس: يلا..يلا..
    مهند: وأنا بكون الحكم علشان كل مرة أعطي نايف كرت أحمر..هههههههههههه
    نايف معصب: ما يصير يا الغشاش..
    قاموا كلهم يضحكون وراحوا يلعبون في الحوش كورة..
    **************
    يوم تذكرت امل هذه الحادثة الدموع تجمعت في عيونها غصبٍ عنها وقامت بتروح غرفتها..
    أماني: أمل..وين رايحة؟ للحين ما خلص المسلسل..
    أمل بدون ما تلتفت عليها رايحة للدور الثاني: لا خلاص ما أبي أطالع..أصلا شفت هذه الحلقة من قبل..
    أماني بعد ما راحت أمل: غريبة!!..أمل تطالع المسلسل حتى لو عادوه ألف مرة!!كيفها ..
    يتبع
    avatar
    بيلسان الورود
    عضو فعال
    عضو فعال

    انثى
    مســآاهمآاتيـ ..~ : 230
    " ~ تاريخ التسجيل ~ " : 24/08/2009
    " ~ نقاط ~ " : 339

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف بيلسان الورود في 2009-09-02, 20:16

    az
    avatar
    Just a Girl
    مصممة المنتدى
    مصممة المنتدى

    انثى
    مســآاهمآاتيـ ..~ : 736
    " ~ العمر ~ " : 19
    " ~ تاريخ التسجيل ~ " : 19/07/2008
    " ~ نقاط ~ " : 1448

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف Just a Girl في 2009-09-03, 19:36

    مرسي



     [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    حلم الحياة
    عضو
    عضو

    انثى
    مســآاهمآاتيـ ..~ : 67
    " ~ تاريخ التسجيل ~ " : 17/08/2009
    " ~ نقاط ~ " : 71

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف حلم الحياة في 2009-09-04, 15:24

    az جميلة جدا انتظر البقية بتشوق
    avatar
    Just a Girl
    مصممة المنتدى
    مصممة المنتدى

    انثى
    مســآاهمآاتيـ ..~ : 736
    " ~ العمر ~ " : 19
    " ~ تاريخ التسجيل ~ " : 19/07/2008
    " ~ نقاط ~ " : 1448

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف Just a Girl في 2009-09-06, 16:03

    ⭐



     [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    هاناباث
    عضو
    عضو

    انثى
    مســآاهمآاتيـ ..~ : 100
    " ~ تاريخ التسجيل ~ " : 22/06/2010
    " ~ نقاط ~ " : 130

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف هاناباث في 2010-06-27, 16:13

    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    alone emo
    الادارة
    الادارة

    انثى
    مســآاهمآاتيـ ..~ : 174
    " ~ تاريخ التسجيل ~ " : 24/08/2010
    " ~ نقاط ~ " : 174

    آعڵآڹ رد: انا ما احبك انا اتنفس هواك ...قصه سعوديه ررروعه

    مُساهمة من طرف alone emo في 2010-09-09, 22:34

    يسلموا ياقمر ..~





      الوقت/التاريخ الآن هو 2018-11-17, 08:24